Nis beteja në KQZ për “Dekriminalizimin”/ PD mbron Tahirin. PS: Ky vendim do vendosë rregulla për të tjerët në të ardhmen

Në mbledhjen e sotme është paraqitur vetëm Shkëlqim Selami, i shoqëruar nga avokati i tij, Genci Çifliku. Ndërsa Dashamir Tahirit përfaqësohet vetëm nga avokati i tij Fatmir Braka, dhe po kështu edhe Elvis Roshi, i cili përfaqësohet nga Theodhori Sallaku.

Përfaqësuesi ligjor i PD, Gazmend Bardhi kërkoi ndërprerjen e mandatit për Elvis Roshin dhe Shkëlqim Selamin, ndërkohë sa i takon Dashamir Tahirit, argumentoi se “nuk mund t’i hiqet mandati për shkak se në Itali është bërë ekzekutimi i menjëhershëm i dënimit. Dhe vepra e tij penale është amnistuar në vitin 2006 nga shteti italian”. Ai tha se, sipas ligjit të dekriminalizimit, ai e ka shlyer dënimin deri në vitin 2014, dhe ndaj nuk ka asnjë pengesë për të ushtruar funksione publike.

Ndërsa, përfaqësuesi ligjor i PS, Genci Gjonçaj, tha se “kjo është vendimmarrja e parë”.

“Hipotetikisht mund të ketë raste të tjera. Unë besoj do ketë. Kjo vendimmarrje duhet të jetë serioze se do vendosë rregulla për të ardhmen”.

Në fjalën e tij, avokati i Roshit, Theodhori Sollaku se “detyra e KQZ është vetëm konstatimi”.
“Nuk është bërë hetim i thelluar. Dënimi në mungesë, pa fuqi. Është bërë 24 vite më parë. S’keni një vendim të konfirmuar”, tha ai.

/BW