Alibeaj mbledh grupin e PD-së, zbulohet qëndrimi i tyre për Presidentin. Ja deputetët e pranishëm

Politikë E Enjte, 26 Maj 2022 11:22

Grupi parlamentar demokrat ka nisur mbledhjen në selinë e PD, ku do të vendoset se çfarë qëndrimi do të mbahet në raundin e tretë të votimit për Presidentin.

Bëhet me dije se janë 20 deputetë që kanë ardhur deri tani në mbledhjen e grupit të Alibeajt.

Mësohet se grupi i PD nuk do të propozojë asnjë emër kandidati për President, duke djegur kështu dhe raundin e tretë, ku kreu i shtetit sipas Kushtetutës zgjidhjet me konsensus.

“Sugjeroj që s’ka asnjë arsye të marrim pjesë. Ata thyen marrëveshjen.”, mësohet të ketë thënë Alibeaji. Ndërkohë, Gazmend Bardhi tha: Rama do ta vendosë vetë Presidentin. Ne mbajtem qendrim korrekt.

Deputeti Taulant Xhaferraj është shprehur se:

“Ne nuk duhet të bëjmë gabime. Deri më tani kemi mbajtur qëndrim dhe po dëshmojmë që nuk ishim si ata. Tani nuk duhet të vazhdojmë më. Ne si grup kemi rënë dakort që bojkoti është gabim. Morëm pjesë në proces dhe prodhuam 8 emra dhe shkuam deri këtu. Rama dëshmoi që ky i do të gjitha vetë. Tani Taulant Balla doli blof dhe lakuriq. Po ju tregojmë që nuk jemi as si Rama dhe as si Saliu”, tha Xhaferraj.

Edhe deputetja Tabaku u shpreh se Rama do të kapë çdo pushtet dhe do ta vendosë ai presidentin e ri

“Kemi ezauruar çdo hapësirë çdo përpjekje u bë e qartë në konferenca e kryetarëve që nuk kanë për të pranuar kandidat të opozitës! Ata thanë sillni një kandidat me 20 firma, ne nuk jemi pa qëndrim, ne jemi grupi i PD-së dhe kemi qëndrim politik! Nuk mund të themi hajde mbledhim 20 firma! Ne duhet të jemi parimorë, nuk e bojkotuam por tani, siç e thashë dhe në konferencën e kryetarëve, është e qartë që Rama do të kapë çdo pushtet! U tregua që ne i qëndruam parimeve, ata jo”, tha Tabaku.

Deputetet e pranishëm

Emilja Koliqi

Flamur Hoxha

Kreshnik Collaku

Kastriot Piroli

Merita Bakiu

Eralda Bano

Saimir Korreshi

Seladin Jakupllari

Zheni Gjergji

Jorida Tabaku

Lefter Geshtenja