Nis sot Samiti i Parisit, i pranishëm dhe kryeministri Rama

Liderët e Ballkanit Perëndimor, bëhen bashkë sot në Paris ku fillon dhe ceremonia e nisjes së samitin ku pritet të marrë pjesë edhe kryeministri Edi Rama.

Në këtë aktivitet do të jenë të pranishëm edhe krerë të lartë të shteteve si; Presidenti francez Fransua Holland, kancelarja gjermane Angela Merkel, si dhe përfaqësuesja e lartë e BE-së për Politikë të Jashtme dhe Siguri, Federika Mogerini.

Në këtë samit, që është i treti me radhë në kuadër të të ashtuquajturit “Proces i Berlinit”, marrin pjesë edhe kryeministri i Kosovës, Isa Mustafa, ai i Serbisë Aleksandër Vuçiç, i Malit të Zi Millo Gjukanoviç. Të pranishëm do të jenë edhe zyrtarët më të lartë të Maqedonisë dhe Bosnjë-Hercegovinës. Në këtë takim marrin pjesë edhe kryeministrat e vendeve anëtare të BE-së, Sllovenisë dhe Kroacisë.

Procesi i Berlinit është një nismë e mbështetur nga Bashkimi Evropian, për të mundësuar ndërlidhjen rajonale të gjashtë vendeve të Ballkanit Perëndimor.