Nishani: Anti KÇK, propagandë fasadë e qeverisë. Figurat e krimit, përfitues të të ardhurave publike

Ish-presidenti Bujar Nishani e cilëson të ashtuquajturin “Operacioni Forca e Ligjit”, propagandë fasadë dhe boshe e qeverisë. Sipas kryetarit të Këshillit Kombëtar të PD, figurat eminente të krimit janë përfitues të të ardhurave publike.

“Thelbi i dëmit është se krimi nuk është prekur por është forcuar. Dëmi që ka marrë imazhi i vendit është shumë i rëndë. Kjo qeveri dhe ky kryeministër është përgjegjës për rivalitazimin e krimit. Duke qenë partner për ardhjen në pushtet ka qenë edhe përfitues prej tij. Figurat eminente të krimit janë përfitues të të ardhurave publike. Në porte, energji, minerare etj. Droga që është i vetmi mekanizëm që prodhon para por nuk prodhon ekonomi qarkullues, në të vërtetë rrezikon ekonominë e shëndoshë”,- tha Nishani në një intervistë për Syri.net.

Ish-presidenti shprehet se “kemi një skenë ku politika është e angazhuar me krimin, ka përfituar pushtet dhe krimi është intensifikuar. Më e rrezikshmja, në afatgjatë, për të luftuar resalisht themelin e kriminalitetit, ekonominë kriminale. Ky do të jetë dështim i rradhës dhe do ta thellojë akoma më shumë greminën e ekonomisë dhe sigurisë së shqiptarëve”.