Nisin arrestimet në Rinas pasi ikin mediat, kontrollorët ajrorë merren nga polica

Gjatë orëve të vonë të mbrëmjes së të mërkurës Policia e Shtetit ka nisur arrestimet në masë të kontrollorëve ajrorë që ndërprenë sot punën, për shkak të uljes së rrogës dhe shkarkimeve të disa kolegëve të tre.
Mësohet se janë më shumë se 30 kontrollorë që janë arrestuar nga policia.
Aksioni i policisë ka nisur pak pas mesnatës. Një pjesë e kontrollorëve kanë dalë gjatë mbrëmjes në emisionet televizive për të sqarua pozicionin e tyre dhe kërkesat që kishin për qeverinë. Një prej kontrolloreve Flora Ndreca, është arrestuar pas daljes nga emisioni “Opinon”.

Ndërkohë pas largimit të mediave ka nisur dhe aksioni i policisë në Rinas. Kontrollorët ajrorë ishin vendosur në një hotel pranë aeroportit dhe të gjithë janë shoqëruar nga efektivët e policisë.
Mësohet se Prokuroria e Rrethit Gjyqësor, Tiranë ka filluar hetimet për situatën e ndodhur në aeroportin e Rinasit.
Vepra penale për të cilën po hetohet lidhet me “Shpërdorim detyre”, parashikuar nga neni 248 i Kodit Penal. Nga ana e oficerëve të policisë gjyqësore, po kryhen veprimet e duhura hetimore për zbardhjen e rrethanave të ngjarjes së ndodhur.

Arrestimet u paralajmëruan nga kryeministri Edi Rama paradite, teksa akuzoi kontrollorët si pjesë e një sabotimi, që sipas tij është bërë nga opozita.

Kërkesat e kontrollorëve janë:

1. Rikthim i kolegëve në punë;
2. Shfuqizim i vendimeve të bordit;
3. Rikthimi i pagës së plotë sipas kontratës kolektive;
4. Transparencë financiare e plotë për vitin 2020;
5. Një anëtar sindikate të jetë anëtar bordi.

Lexoni edhe…

• Mbyllet aeroporti i Rinasit, anulohen të gjitha fluturimet
• Njerëzit e Ramës dhe Ballukut. Ja kush janë drejtuesit Albcontrol që kanë përgjegjësi për bllokimin e fluturimeve
• Presidenti reagon për bllokimin e Rinasit: Jemi vend i NATO-s, qeveria të zgjidhë situatën kritike
• Rama shpik grupe armiqësore për fushatë: Bllokuesit e fluturimeve në aeroport do të ndiqen penalisht
• Vasili: Qeveri horrash! Bllokuan Aeroportin e vetëm Ndërkombëtar të vendit
• Balluku flet nga Rinasi: Pezullimi i fluturimeve, organizim i mirëfilltë politik!
• Meta: Qeverisë do t’ia jap përgjigjen sot pasdite nga Vlora, të shikoj nëse është hapur Aeroporti i Vlorës
• Mashtrimi i Rama-Ballukut me Rinasin: Paratë që ju mbahen kontrollorëve shkojnë tek Beccheti
• Berisha: Stop terrorit psikologjik, autoritetet e huaja të hetojnë
• Ylli Manjani: Kujdes nga propaganda e Ramës. Opozita dhe Presidenti nuk kanë gjë në dorë për Albcontrol