Një ditë pas arrestimit të Ilir Metës, kreu i Policisë së Shtetit takon Altin Dumanin

Një ditë pas arrestimit të zhurmshëm të ish-presidentit te Republikës, Ilir Meta ka ardhur një takim urgjent mes Altin Dumanit dhe Ilir Prodës.

Për këtë takim ka nxjerrë njoftim sbtypi policia e shtetit:

Drejtori i Përgjithshëm i Policisë së Shtetit, Drejtues Madhor Ilir Proda, zhvilloi një takim me Drejtuesin e Strukturës së Posaçme kundër Korrupsionit dhe Krimit të Organizuar, Altin Dumani.

Ilir Proda dhe Altin Dumani kanë diskutuar për thellimin e bashkëpunimit mes SPAK-ut dhe Policisë së Shtetit, për ngritjen e këtyre marrëdhënieve në një stad tjetër bashkëpunimi dhe besueshmërie mes palëve.

Policia e Shtetit është e angazhuar maksimalisht dhe e vendosur për të bashkëpunuar ngushtësisht me agjencitë ligjzbatuese brenda dhe jashtë vendit, dhe me policitë partnere, në luftën kundër korrupsionit dhe krimit të organizuar.