‘Nuk hapi telefonin’! Serbia kërcënon ambasadorin e Shqipërisë

Serbia kërcënon ambasadorin shqiptar në Beograd, Ilir Boçka.

“Në një mënyrë që shkon në kundërshtim me rregullat diplomatike, ambasadori shqiptar, Ilir Boçka, duke ndjekur udhëzimet nga Tirana, nuk pranoi të dëgjojë një telefonatë nga Ministria e Jashtme për të marrë një notë proteste nga Republika e Serbisë në lidhje me një incident të rëndë dhe një sulm ndaj kombëtares serbe të futbollit, duke theksuar se nuk ka ndodhur asgjë”,shkruan agjencia serbe B92.

Sipas kësaj agjencie, Serbia do marrë masa ndaj Boçkës.

“Për shkak të veprimit të papërshtatshëm të ambasadorit shqiptar, Ministria e Jashtme do të marrë masat e përshtatshme në përputhje me praktikën diplomatike,” shkruan B92.

Ende nuk dihet se çfarë nënkupton Serbia me këtë kërcënim.