Numërohen 50 kuti në Dibër. Rama i ASHE kryeson me 1786 vota ndaj Shehut

Për të mësuar emrin e kryebashkiakut te ri, dibranet duhet të presin numërimin e 68 kutive nga 118 që ishin në total. Deri më tani nga numërimi i 50 kutive, rezulton se kandidati i ASHE-së Muharrem Rama ka marrë 7953 vota, 1786 vota më shumë në krahasim me kandidatin e djathtë Sherefedin Shehu, i cili ka marrë 6167 vota.

Duke iu referuar të dhënave të Komisionit Qendror të Zgjedhjeve ishin 33978 qytetarë që kanë votuar për kryetarin e ri të Bashkisë, i cili do të zëvendësojë në këtë post Shukri Xhelilin, të shkarkuar pas publikimit të videoskandali ku i kërkonte favore seksuale një varëseje të tij në bashki në këmbim të një vendi pune më të mirë.