Operacion i gjerë antidrogë, Altin Dumani: Goditëm disa grupe kriminale të trafikut të drogës

SPAK ka zhvilluar një operacion të përbashkët me autoritetet e Finlandës, duke goditur disa grupe kriminale të përfshira në trafikun e lëndëve narkotike. Kreu i SPAK, Altin Dumani ka dalë në një konferencë në një konferencë të përbashkët për shtyp me përfaqësuesit finlandezë, ku ka dhënë detaje lidhur me këtë operacion.

“Kjo është arritje për historinë e SPAK-ut, pasi shënon krijim e njësisë së parë hetimore mes SPAK dhe autoriteteve finlandeze. Ky bashkëpunim është dëshmi e qartë se krimi ka shtrirë aktivitetin e tij edhe në vendet nordike, përfshirë Finlandën. Ky hetim është tregues i qartë i vlerësimit që autoritetet ligjzbatues nordike u kanë dhënë strukturave tona të drejtësisë. Ky është rezultat i një pune të gjatë. Kemi goditur disa grupe të rëndësishme të trafikut të drogës, që shpërndanin kokainë, heroinë, marijuanë etj. Hetimi është rezultat i një hetimi të gjatë dhe një bashkëpunimi tepër të mirë me autoritetet finlandeze. Dua të falënderoj Policinë e Shtetit dhe çdo prokuror të posaçëm për punën e shkëlqyer që ka bërë”, tha Dumani.