Opozita rikthehet sot në Kuvend

Pas bojkotit 10­-ditor, opozita rikthehet sot në sallën e parlamentit, ndërsa seanca plenare e radhës pritet të përfshihet nga debatet për reformën në drejtësi.

Zhvillimet e fundit, pas takimit të 6 qershorit Rama­Basha, pritet të dominojnë seancën e sotme.

Pezullimi i Drejtorit të Policisë së Shtetit, Haki Çako, apo qëndrimet e ndërkombëtarëve për dështimin e kompromisit për reformën në drejtësi, pritet të jenë disa nga çështjet më të nxheta të debatit në sallën e parlamentit.

Rendi zyrtar i punimeve të Kuvendit parashikon diskutimin e dy pr/ligjeve, “Për ndërmarrjet sociale” dhe pr/ligji “Për shërbimet”, si dhe të dekretit të Presidentit që ktheu për rishqyrtim në parlament ligjin “Për marrëveshjet ndërkombëtare.