Partia Demokratike e Shqipërisë përshëndet qeverinë e re të Kosovës

Krijimi i qeverisë së re sipas saj, është një zhvillim i shumëpritur nga të gjithë, brenda dhe jashtë Kosovës duke i dhënë fund një periudhe të gjatë bllokimi që vijoi mbas zgjedhjeve parlamentare të qershorit.

“Partia Demokratike ka besim se ndërtimi i qeverisë me bazë të gjërë do t’i shërbejë më së miri interesave të qytetarëve të Kosovës, ndërmarrjes së reformave të rendesishme për përshpejtimin e procesit të integrimit Europian dhe liberalizimit të vizave, njohjes së mëtejshme ndërkombëtare të Kosovës dhe antarësimit në organizatat ndërkombetare; si dhe forcimit të bashkëpunimit dhe stabilitetit rajonal duke vijuar dialogun dhe zbatimin e marrëveshjes historike të arritur ndërmjet Kosovës dhe Serbisë për normalizimin e marrdhënieve ndërmjet të dy vendeve”, deklaron gjithashtu kjo forcë politike.