Partia Demokratike: Qeveria, asnjë plan për zonat e përmbytura

Kjo deklaratë mbërriti sot nga selia e kësaj force politike, duke shtuar se ajo dënon “reagimin me vonesë dhe të pakordinuar të qeverisë, e cila si gjithnjë është prezente në ekran por mungon aty ku duhet, aty ku njerëzit kanë nevojë”.

“Qeveria dhe Edi Rama, vihen në lëvizje vetëm kur moti i keq shkakton viktima. Asnjë plan prej tyre për të marrë masa parandaluese, asnjë vizion për këto zona që gjithnjë vuajnë nga reshjet dhe nga moti i keq i dimrit”, cilësoi zëdhënësja e PD-së.

Duke i kërkuar publikisht kryeministrit të marrë masa të menjëhershme për zgjidhjen e situatës së rënduar, të marrë masa parandaluese, “që për shkak të neglizhencës së qeverisë të mos kemi më viktima dhe ngjarje të rënda si ato që ndodhën mbrëmë”.

.