Pas afganëve dhe ukrainasve, Rama fton edhe nigerianët në Shqipëri edhe pse në vend ka protesta kundër çmimeve

Shqipëria e cila është në krizë dhe kudo ka protesta kundër rritjes së çmimeve, vendi do të hap dyert edhe për nigerianët. Lajmin e dha kryeministri Edi Rama nga Antalja e Turqisë, ku po flitet për paqen globale.

“Vaksinimi në Afrikë është racizëm i mirëfilltë, por si ta shpjegosh atë që ndodh me nigerianët në kufi, që po përpiqen të dalin.

Sapo u shkruam autoriteteve nigeriane dhe u thamë të vijnë në Shqipëri se është fyese kundrejt nesh dhe traditës sonë që të shohim këto lloj ndasish, po Afganistani, që u tha se do të vijmë të sjellim paqen e demokracinë dhe i lamë edhe më keq se 20 vjet më parë dhe i lamë plotësisht të ekspozuar dhe bashkëpunëtorë të pushtuesit dhe tani u duhet të përballen me jetë a vdekje.

Ndjehem i turpëruar kur thonë që Shqipëria sa mirë e keni bërë ju hapët dyert. Kjo është e tmerrshme se kjo duhet të jetë diçka që të gjitha vendet duhet ta bëjnë”.