Pas ultimatumit të Ramës, japin dorëheqjen drejtorët në bashkinë e Vlorës

Pas ultimatumit të qartë të dhënë nga Kryeministri Edi Rama gjatë vizitës së tij në bashkinë e Vlorës, të gjithë drejtorët e institucionit lokal kanë paraqitur dorëheqjen pranë kryebashkiakut Ermal Dredha.

Bëhet me dije se menjëherë pas largimit të Ramës nga ambientet e institucionit të enjten, Ermal Dredha ka mbledhur të gjithë drejtuesit dhe ka kërkuar zyrtarisht dorëheqjen e tyre.

Gjatë takimit të djeshëm me përfaqësuesit e pushtetit vendor në bashkinë e Vlorës, kryeministri Edi Rama ka shprehur kritika dhe pakënaqësi për punën e kryer nga ky institucion në pikun e sezonit turistik, duke i kërkuar kryebashkiakut Ermal Dredha të shkarkojë të gjithë drejtorët e bashkisë.

Gjithashtu, ndryshimet kanë prekur edhe socialistët e Vlorës. Rama ka komanduar si drejtues të PS në qytetin bregdetar, Klevis Kason dhe Eriona Ismailin.