Pasi foli në Kuvendin e Shqipërisë/ Zelensky: Të vegjël në hartë, por me zemër të madhe (VIDEO)

Pas një videomesazhi në Kuvendin e Shqipërisë, Presidenti i Ukrainës, Volodymyr Zelensky ka publikuar videon e mesazhit të tij, ndërsa bashkëngjitur ka vlerësuar mbështetjen e Shqipërisë.

“Dekada më parë, Ukraina dhe Shqipëria zgjodhën rrugën e demokracisë dhe integrimit evropian. Ne nuk devijuam nga kjo rrugë. Së bashku, ne jemi të përkushtuar për zhvillimin e lirisë dhe një Evropë të bashkuar.

Dhe unë besoj se kur të vijë koha për të vendosur për anëtarësimin e Ukrainës në Bashkimin Evropian, vota juaj do të jetë në mbështetjen tonë.

Jam i sigurt që tani të gjithë në botë po tregojnë karakterin e tyre të vërtetë. Dikush është i madh në përmasa, por shumë i vogël kur duhet të jesh i guximshëm.

Dhe dikush është i vogël në hartë, por përzemërsia është një nga më të mëdhatë. Faleminderit Shqipëri! Ju falënderoj për mirësinë tuaj”, shkruan Zelensky.