Patozi: Ende herët për t’u gëzuar nga ikja e Bashës, la një fushë të minuar

Astrit Patozi, thotë se është ende herët për t’u gëzuar nga dorëheqja e Lulzim Bashës, pasi thotë se ka lënë një fushë të minuar. Për të varet se si do ta lexojnë protagonistët e tjerë ikjen jo aq të padjallëzuar të kryetarit tashmë të larguar nga zyra e selisë së PD.

Postimi i plotë

ËSHTË HERËT PËR T’U GËZUAR NGA IKJA E BASHËS

Dorëheqja e Lulzim Bashës ishte e pritshme, madje tmerrësisht e vonuar. Dhe si çdo gjë në këtë botë që zvarritet gjatë nuk është e thënë patjetër që të bëjë mirë edhe kur më në fund litari këputet.

Ndaj është shumë herët për ta parë atë si një çlirim të madh për fatin e mëtejshëm të Partisë Demokratike. Mendoj se ajo i ka shtuar edhe më shumë pikëpyetjet për perspektivën e saj politike, pasi ka lënë prapa një fushë të minuar.

Tani varet shumë sesi do ta lexojnë protagonistët e tjerë ikjen jo aq të padjallëzuar të kryetarit tashmë të larguar nga zyra e selisë së PD.