Patozi: Ja kaq është diferenca, politikanët në perëndim ikin pa humbur zgjedhjet!

Politikani i njohur Astrit Patozi ka bërë një reagim në lidhje me zgjedhjet në Gjermani. Sipas tij largimi i Angela Merkel është një shembull, që duhet të merret edhe në vendin tonë nga klasa politike. Ai ka ironizuar me mesazhin e tij edhe Lulzim Bashën.

“JA KAQ ËSHTË DIFERENCA…

Në perëndim politikanët ikin edhe pa i humbur kurrë zgjedhjet, ndërsa në Shqipëri ata nuk largohen edhe po t’i vrasësh.

Sepse humbjet nuk i quajnë fare problem, por thjesht etapa krejtësisht normale të karrierës së tyre.

Ja kaq “e vogël” është diferenca e për pasojë edhe kontrasti mes dy botëve”, ka shkruar Patozi.