PD mbyll fushatën, Këlliçi: S’ka rrugë të bllokuar që na ndalon. Shqipëria do të jetë një vend më i mirë pas 48 orësh

PD po mban mitingun përmbyllës në Bulevardin e Ri në Tiranë, ku mijëra mbështetës u mblodhën për të mbyllur fushatën elektorale të zgjedhjeve të 11 majit. Kandidati i PD-së, Belind Këlliçi, akuzoi kryeministrin Edi Rama për përpjekje për të penguar pjesëmarrjen në tubim.

”Edi Rama sot, nga paniku dhe frika, ka bllokuar rrugët që në orët e para të mëngjesit. Por demokratët e kanë gjetur mënyrën për të ardhur. Nuk ka rrugë që na bllokon, fitorja është e jona”.

Nga ana tjetër, ai u shpreh mirënjohës për të gjithë qytetarët dhe demokratët që kanë qëndruar të palëkundur, duke theksuar rolin e Berishës si misionar i kësaj beteje.

”Jemi në orët finale të marshimit drejt fitores. Pas vetëm 48 orësh, Shqipëria do të jetë një vend më i mirë dhe kjo është vepra juaj. Ju, qytetarët e lirë që rezistuat, do ta bëni këtë ndryshim të mundur”.