Partia Demokratike ka publikuar një tjetër video, me një mesazh të përsëritur disa herë nga Lulzim Basha: “Edi Rama, Ilir Meta dhe Sali Berisha kanë dalë hapur tashmë kundër PD”
Bashkangjitur një video të publikuar në rrjetet sociale, Partia Demokratike shkruan se Sali Berisha, Edi Rama dhe Ilir Meta, ose siç i quajnë ndryshe ‘Trekëndëshi i Bermudës’, janë e shkuara dhe mundohen të mbajnë njëri-tjetrin.
Postimi i plotë:
Edi Rama, Ilir Meta dhe Sali Berisha kanë dalë hapur tashmë kundër PD dhe Lulzim Bashës. Ata e dinë që janë e shkuara dhe mundohen të mbajnë njëri-tjetrin. Trekëndëshi i Bermudës dhe oligarkët që i mbështesin hapur me aktet dhe retorikën e tyre përçarëse të demokratëve.
Atyre ju intereson qëndrimi në vendnumëro, ju intereson Shqipëria e së shkuarës, jo e së ardhmes.
Demokratët dhe Shqiptarët janë bashkë në këtë betejë kundër pakicës 30-vjeçare të tranzicionit që po e mban Shqipërinë peng.
NE KEMI ZGJEDHUR TË NDËRTOJMË TË ARDHMEN ME TË MIRË