PD-Pollo: AMA autoritet jolegjitim, do ndjekim rrugën ligjore

Deputeti i Partisë Demokratike, Genc Pollo gjatë një deklarate për mediat sot, u shpreh se “ të enjten mazhoranca e përmbylli sagën e mundimshme një vjeçare të kapjes së Autoritetit të Medias Audiovizive për llogari të klient-padronit mediatik të tyre, duke shkelur me dy këmbët ligjin për përzgjedhjen e kryetarit të AMA-s, duke shkelur çdo rekomandim e këshillë të komunitetit ndërkombëtar”. “Partia Demokratike do të ndjekë rrugën ligjore dhe apelojmë publikun, operatorët mediatikë e më gjerë se kanë të bëjnë me një autoritet të paligjshëm”, tha Pollo.