PD: Rama ktheu Dibrën në treg të zi, shqiptarët të reagojnë

Partia Demokratike vazhdon të akuzojë kryeministrin Rama se bleu votat në Dibër. Në një dalje për mediat nga selia blu, deputetja Jorida Tabaku duke iu referuar pamjeve filmike të publikuara në media për blerjen e votës tha se Dibra u kthye në një treg të zi.

Tabaku tha se PD do të shohë edhe nga vetja në lidhje me këtë humbje, ndërsa bëri thirrje që të gjithë shqiptarët të reagojnë për të rrëzuar qeverinë Rama.