PD reagon për padinë e Bashkisë Tiranë ndaj Bashës

Zëdhënësja e PD, Ina Zhupa ka reaguar pas padisë që Bashkia e Tiranës ka bërë ndaj kreut të PD, për hyrje pa leje në godinat e studentëve. Sipas Bashkisë së Tiranës, kreu i PD-së së bashku me rojet e tij ka hyrë në godinat e studentëve për të zhvilluar një takim, pa marrë me herët leje.

Zhupa shprehet se takimi i kreut të PD-së me studentët në ambientet e tyre në konvikt nuk ka përse të shqetësojë Bashkinë e Tiranës.

PD ka publikuar dhe një video gjatë momenteve kur Basha ndalohet nga punonjësja e Qytetit Studenti.

Reagimi i plotë i Ina Zhupës:

“Atëherë kur mendon se ka prekur limitet e qesharakes Erion Veliaj befason serish. Kete here, përtej fasadës që përcjell ne videot dhe fotot e propagandes se tij, ndihet i frikesuar nga vizita qe kryetari i PD i ben disa te rinjve ne dhomen e tyre ne konvikt. Ate qe s’e ka bere dot Ramiz Alia ne grahmat e komunizmit ne qytetin Studenti, mundohet ta realizoje pinjolli i rilindjes ne krye te bashkise moniste. Ne asnje vend te botes se lire kryetari i opozites nuk pengohet te vizitoje nje ambjent publik apo te takoje studente. Kjo mund te ndodhe ne Korene e Veriut. Ose ne Tiranen e Erion Velise. Ku thjesht nje vizite i tremb per vdekje se mos çjerr fasaden qe percjell propaganda. Edi Rama, Erion Veliaj dhe gjithë të tjeret te jene te sigurt se Lulzim Basha do te vijoje te takoje qytetare cdo dite. Askush nuk mund ta ndaloje misionin e opozites. Te tregoje te verteten qe propaganda e stisur dhe e blere shtrenjte nga oligarket e qeverise perpiqet t’u servire shqiptareve”.