PD rrezikon regjistrimin në zgjedhje, Bardhi sfidon KQZ: S’do ketë plotësim letrash! Reagon Edi Paloka

Kryesore Politikë E Enjte, 9 Mars 2023 14:50

Edhe PD-ja e grupit të Alibeajt rrezikon të mos regjistrohet në KQZ për zgjedhjet lokale të 14 Majit, nëse vazhdon me këtë kryeneçsi e tangellëk. Gazment Bardhi ka kundërshtuar hapur vendimin e Ilirjan Celibashit për plotësim dokumentesh nga ana e PD-së, pasi për të janë të gjitha të dorëzuara.

“PD ka dorëzuar dokumentacionin e plotë ligjor për regjistrim. Deklaratat e sotme politike të KQZ nuk kanë asnjë lidhje me ligjin, por janë formalizim i një vullneti politik ekstraligjor. Nuk do të ketë asnjë plotësim dokumentacioni sa kohë ai është dorëzuar i plotë”, shkruan Bardhi.

Celibashi e tha hapur se nuk do ta regjistrojë Partinë Demokratike nëse nuk ka plotësim dokumentesh. Pra, edhe Partia Demokratike e Lulzim Bashës rrezikon mos regjistrimin.

Kurse Edi Paloka e ka konsideruar pervers vendimin e KQZ që njohu si kryetar të PD-së Lulzim Bashën. Paloka thotë se sot Celibashi u soll si Edi Rama, jo pse njohu Bashën si kryetar, po se me një dëshirë perverse po kërkon ta poshtërojë deri në fund.

🇦🇱✌️PD ka dorëzuar dokumentacionin e plotë ligjor për regjistrim. Deklaratat e sotme politike të KQZ nuk kanë asnjë lidhje me ligjin, por janë formalizim i një vullneti politik ekstraligjor. Nuk do të ketë asnjë plotësim dokumentacioni sa kohë ai është dorëzuar i plotë!

— Gazment Bardhi (@GazmentBardhi) March 9, 2023

Reagimi i Edi Palokës:

Sot Celibashi u soll si Rama…jo pse “njohu” L.B si kryetar po se me nje deshire perverse , po kerkon ta poshteroje deri ne fund.

Rama , si pervers qe eshte, ka gjithmone deshire qe ata qe ka blere apo i mban peng ne cfardo lloj menyre, ti diskretitoje si te tille e ti poshteroje publikisht.

Kete beri sot dhe Celibashi; i kerkoi L.B se dorehequr prej nje viti qe te firmos si kryetar partie. Per ti shpetuar ketij poshterimi ( jo se poshterimin e ka problem), L.B arriti edhe te fallsifikoje nje palo “autorizim” te cilit i vuri nje date perpara dites qe ai kishte shpallur doreheqjen. Po pikerisht kete nuk ja lejoi Celibashi dhe i kerkoi qe te veteposhterohet deri ne fund.

Qe L.B do firmose, nuk ka njeri dyshime se kur je peng , keshtu te ndodh, nuk te lene as te ikesh pa ju sherbyer deri ne fund. Keshtu qe sic do thonte pengmarresi i tij ne kete rast; “L.B do firmosi “si Çeço” se ashtu i duhet Rames.

Sa per faktin qe vazhdon te shkelet ligji, procedurat, afatet ligjore ( 6 marsi ishte dita e fundit e dorezimit te dokumentacionit) e me e rendesishmja dhe Kushtetuta, per kete nuk pyet me njeri ne guvernen e perbashket Rama-Kim-McGonigal.

P.S

Se ç’eshte dhe njeri qe “ndjehet kryetar” po atij nuk ja p…askush!