PD: Thellohet skandali i 5-vjeçares, askush nuk mban përgjegjësi

“Kemi të bëjmë me shkelje të nenit 27 të Kushtetutës, të neneve 5 dhe 6 të Konventës Europiane për të Drejtat e Njeriut, të nenit 37 të Konventës Për të Drejtat e Fëmijëve, të Kodit të Procedurës Penale dhe Ligjit për Policinë e Shtetit”, tha ai.

Duke shtuar se përmes këtij rasti, në çdo vend demokratik, Kryeministri dhe Ministri i Brendshëm do të ishin alarmuar, do të ishin vënë në lëvizje për të marrë masa ndaj përgjegjësve.

“E vetmja gjë që bën Kryeministri Rama janë sulmet ndaj opozitës, e cila nxori në dritë këtë abuzim”, apeloi ai.

Duke përfunduar se derisa Edi Rama dhe ministri i tij, nuk shfaqin asnjë shenjë pendese, asnjë shenjë reflektimi, duke mos nxjerrë përgjegjësit e përgjegjësitë, PD i kërkon Prokurorisë të nisë menjëherë procedimin penal ndaj policëve e shefave të tyre, ndaj gjithë segmentit që është përfshirë dhe kanë pasur dijeni për këtë vepër penale.