Përfundon mbledhja e Këshillit të Sigurisë Kombëtare

Ka përfunduar mbledhja e Këshilli të Sigurisë Kombëtare. Në selinë e Presidencës, janë thirrur nga Presidenti i Republikës, Bujar Nishani, për të diskutuar mbi masat që duhen marrë për t’u përballur me terrorizmin, që kanos sot më shumë se kurrë botën pas sulmeve të fundit në Francë.

Kjo mbledhjen është mbajtur, larg syrit të mediave. Të pranishëm kanë qenë, Kryetari i Kuvendit, Ilir Meta, Kryeministri, Edi Rama, ministri i Jashtëm, Ditmir Bushati, ai i Brendshëm, Sajmir Tahiri, kreu i SHISH-it, Visho Ajazi Lika si dhe shefi i Shtabit të Përgjithshëm, gjeneral Major Jeronim Bazo. Për herë të fundit, mbledhja e Këshillit të Sigurisë u mbajt pëër çështjen e terrorizmit më 17 janar.

Në këtë mbledhje u vu theksi në nevojën e forcimit të bashkëpunimit dhe koordinimit mes institucioneve të sigurisë, ndërsa kryeministri Rama premtoi në atë kohë Qendrën Kombëtare të Sigurisë. Megjithëse autoritetet shqiptare thonë se nuk ka një kërcënim konkret për Shqipërinë, në rrugët e Tiranës vërehen masa të përforcuara sigurie.

R.Shtylla