”Foltorja” e Sali Berisha sot u ul në Kukës. Në diskutimet me demokratët, ai foli për vendimin e kreut Basha për përjashtimin e Flamur Nokës si nënkryetar i Komisionit Parlamentar të Sigurisë dhe paralajmërimin për përjashtimin nga grupi parlamentar.
Ish-kryeministri tha se Basha është mbyllur në zyrën e tij nga frika dhe merr vendime prej aty. Berisha tha se Basha duhet larguar sa më parë, ku edhe e quajti besëthyer.
“Ka ndodh një gjë e tmerrshme me ish-kryetarin, i ka hyrë një frikë e madhe nga ju. E ka kapur një frikë e tmerrshme. Nuk ju takon. Merr vendime nga zyra. Së fundmi tha dhe përjashtova dhe Flamur Nokën nga detyra. Po dy gjëra do iu them.
Në mënyrë absolute asnjë prej jush nuk i ka faj për frikën që i ka hyrë. Vetë është peng i pashpresë. Nuk kërkohet besë tek besëthyeri. Imagjinojeni. A mund të jetë zot shtëpie ai që ka frikë nga burrat dhe gratë e shtëpisë? Ai duhet të largohet sa më parë”, u shpreh Berisha.