Petrit Vasili nxjerr faktet: Edi Rama “non grata” me ligjin dhe demokracinë

Nga Petrit Vasili

Edi Rama ” non grata” me ligjin dhe demokracinë, ja faktet!
Edi Rama i bazuar mbi strategjinë mashtruese që: “thashethemet për kundërshtarët t’i kthejë ne fakte, dhe fakte për vete t’i kthejë në thashetheme” kujton se mund t’ia hedhë e të shpëtojë përpara fakteve që ulërasin.
Është detyrë pa kthim të mos harrojmë asgjë nga dhuna e pashembullt ndaj demokracisë dhe ligjit, që Edi Rama ka ushtruar gjatë gjithë këtyre viteve dhe që e kanë katandisur Shqiperinë në këtë gjendje mizerabël ku është sot.
Konkretisht:
1.Edi Rama është paditur në prokurori për shkatërrimin e zgjedhjeve të vitit 2017 kur i bëri thirrje policisë të hidhte uniformat dhe të bënte vota për rilindjen.
2.Edi Rama është paditur për presionin ndaj oficerit të policise Emiljano Nuhu, denoncimet e të cilit ndaj rilindjes dhe njerëzve të saj u vërtetuan të gjitha, ndaj ai jeton në azil politik jashtë Shqipërisë.
3.Edi Rama kërcënoi publikisht oficerin e policisë Dritan Zagani për informacionet 100% të vërteta per badërdine e drogës në Shqipëri ndaj ai jeton në azil politik jashtë Shqipërisë.
4.Edi Rama i dha mbrojtje politike Saimir Tahirit duke hedhur poshtë në parlament kërkesën e prokurorisë për arrestimin e tij.
5.Edi Rama rezultoi nga përgjimet e prokurorisë personalisht i përfshirë në dosjen 184 të Dibrës ku të gjithë dëgjuan me veshët e tyre atë vetë si autor të masakrës zgjedhore të Dibrës të vitit 2016.
6.Edi Rama i dha mbrojtje publike dhe poste përfaqësimi të gjithë ministrave deputetëve e drejtorëve të përfshirë në Dosjen 184.
7.Edi Rama i ka dhënë mbështetje të hapur publike si dhe rol politik Vangjush Dakos pas vendimit të SHBA ndaj tij.
8.Edi Rama zgjodhi Prokurorin e Përgjithshëm me 69 vota duke shqyer rëformën e sapomiratuar në drejtësi.
9.Edi Rama i ka dhënë mbrojtje publike dhe i ka bërë presion publik drejtësisë për çdo ministër dhe zyrtar të lartë të akuzuar për korrupsion për tendera, koncesione dhe gjithfarë procedurash me shkelje flagrante ligjore.
10.Retorika e Edi Ramës ka qenë dhunë dhe presion i hapur ndaj drejtësisë dhe publikut për çdo rast akuze ndaj tij, familjarëve dhe bashkëpuntorëve të tij.
11.Edi Rama me firmën e tij mbushi parlamentin me deputetë dhe pushtetin lokal me kryetarë bashkie me rekorde kriminale.
12.Edi Rama shkatërroi, manipuloi dhe kriminalizoi të gjitha zgjedhjet e administruara prej tij qoftë në maskaradën e zgjedhjeve të vitit 2017, votimet moniste ne 2019 dhe masakrën e fundit në 25 prill 2021.
13.Europa i kërkoi të heqë ligjin e shpifjes kundër medias, por Edi Rama bëri krejtësisht të kundërtën, në mënyrën me antidemokratike për të dhunuar lirinë e shprehjes.
14.Europa i kërkoi të mos e prishte Teatrin dhe Edi Rama bëri të kunderten me Vendimin e qeverisë, që drejton ai e prishi Teatrin në kulmin e pandemisë.
15.Europa i kërkoi të ndalej marrëveshja me Emiratet e Bashkuara për portin e Durrësit pasi dhunohej në mënyrë flagrante Marrëveshja e Stabilizim Asocimit ndërsa Edi Rama vazhdoi pa u ndalur kundër kërkesës së Europës.
16.Europa i ka kërkuar ndaljen e menjëhershme të veprimeve e retorikës lidhur me çështjen e kufijve Kosovë-Serbi si një moment kritik destabilizimi me pasoja të rënda.
17.Edi Rama paditi edhe Kryeministrin Haradinaj sepse denoncoi rolin prej renegati të Ramës në çështjen antikombëtare të kufijve.
18.Edi Rama u vërtetua si dhunues i ligjeve amerikane lidhur me foton në fushatën e presidentit Obama, kur ai u prezantua si gruaja e Bilalit dhe ku u paguan nga ai para’ të paligjshme sipas ligjeve amerikane dhe ku u dënua edhe vetë Bilali, ngjarje që është pasqyruar gjerësisht në median amerikane mbështetur në informacione të FBI.
19.Edi Rama ndërhyri me gjuhë të dhunshme në fushatën presidenciale në SHBA duke fyer publikisht z.Trump edhe ne CNN një nga mediat më të mëdha të Amerikës dhe botës.
20.Nën qeverisjen e Edi Ramës Shqipëria u fut sërish në listën e zezë të vendeve, që pastrojnë para’ dhe u kthye në lavatriçe gjigante të parasë së piset të njohur botërisht.
21.Nën qeverisjen e Edi Ramës, sipas Departamentit Amerikan të Shtetit, Shqipëria u kthye në bazë operacionesh për grupet e krimit të organizuar që veprojnë në Shtetet e Bashkuara, Evropë, Lindjen e Mesme dhe Amerikën e Jugut si dhe ku sundimi i dobët i ligjit kanë krijuar një ambient ideal për grupet e krimit të organizuar që shkaktojnë problemin e kontrollit të drogës në Shqipëri.
A mund të harrohen keto?
A mund të mbyllen sytë përpara këtyre?
Kurrë jo!
Amnistimi i këtyre fajeve shumë të renda të Edi Ramës nga kushdo, brenda dhe jashtë vendit, do të ishte nje akt i vërtetë armiqësië kundër Shqipërisë dhe shqiptarëve.