Polici dhe pedagogu humb jetën gjatë shërbimit te Kavaleshenca në Durrës, mesazhi i Metës

Një nga viktimat e tërmetit tragjik që goditi sot vendin tonë është edhe polici dhe pedagogu, Bajram Hajdarmataj. Ai ka ndërruar jetë në krye të detyrës, teksa ishte në Kavaleshencën e Ministrisë se Brendshme në Durrës.

Kreu i shtetit, Ilir Meta ka reaguar me një mesazh ngushëllimi për familjarët dhe kolegët e pedagogut dhe policit që humbi jetën.

Mesazhi i Presidentit Meta

Me keqardhje të madhe u shpreha sot përfaqësuesve të Policisë së Shtetit dhe Forcave të Armatosura, nga Kavaleshenca e Ministrisë së Brendshme në Durrës, ngushëllimet më të thella e të sinqerta, për humbjen e jetës në krye të detyrës të kolegut dhe pedagogut të nderuar, Bajram Hajdarmataj.

Jam pranë familjarëve, miqve dhe kolegëve të Tij në këto momente tepër të rënda për ta!