Policia e Shtetit arreston 46 persona për zjarrvënie, reagon Rama: Këta kriminelë meritojnë ndëshkime maksimale

Policia e Shtetit ka bërë me dije se gjatë 3 muajve nga qershori deri më 14 gusht ka arrestuar 64 persona për zjarrvënie dhe janë proceduar penalisht 91 të tjerë.

Lidhur me këtë ka reaguar Kryeministri Edi Rama, i cili në një postim në rrjetet sociale shkruan:

Policia e Shtetit ditë natë në këmbë për identifikimin dhe kapjen e zjarrvënësve, në një sezon me një rritje të numrit të tyre po edhe me numrin më të madh të kapur nga forcat e rendit.
Gjatë muajve qershor – korrik dhe deri më 14 gusht:
• 137 autorë të zjarrvënieve të identifikuar
• 46 të arrestuar
• 91 të proceduar penalisht
Forcat Kombëtare të Sigurisë, “Shqiponja”, patrullat e përgjithshme dhe forcat operacionale, nën drejtimin e drejtorive vendore dhe Drejtorisë së Përgjithshme, do të vijojnë në terren dhe me ndihmën e teknologjisë do të mundësojnë dorëzimin para drejtësisë të këtyre kriminelëve që meritojnë ndëshkime maksimale.