Presidenti dekoron ambasadorin grek, Rokanas

Presidenti i Republikës së Shqipërisë, Bujar Nishani ka dekoruar ambasadorin grek në Shqipëri Leonidas Rokanas  me Titullin “Për Merita të Veçanta Civile”,si një vlerësim i veprimtarisë diplomatike dhe kontributit të dhënë për forcimin e mëtejshëm të marrëdhënieve miqësore mes dy popujve por edhe për kontributin e dhënë në proçesin e integrimit të Shqipërisë.

Në  ceremoninë e organizuar në presidencë morën pjesë ambasadorë të akredituar në Shqipëri  midis të cilëve ambasadori i SHBA-ve Donald Lu, ambasadorja e BE-së Romana Vlahutin , Kryetari i Kuvendit Ilir Meta, Ministrja e Integrimit Klajda Gjosha,  si dhe deputetë të Kuvendit të Shqipërisë.

Në fjalën e mbajtur para të pranishmëve presidenti Bujar Nishani vlerësoi punën e diplomatit Helen në vendin tonë përgjatë këtyre katër viteve.Ambasadori  Rokanas u dekorua në përfundim të misionit të tij në Shqipëri