Presidenti dekreton ligjin e dosjeve, të kundërshtuar nga Berisha

Presidenti i Republikës Bujar Nishani ka dekretuar shpalljen e ligjit nr. 45/2015, “Për të drejtën e informimit për dokumentet e ish-Sigurimit të Shtetit të Republikës Popullore Socialiste të Shqipërisë”.

Kujtojmë se ky ligj qe një "betejë" e qeverisë dhe e ish-ministrit të Çështjeve Sociale, Erion Veliaj. Teksa pati mjaft përfaqësues të opozitës që e kundërshtuan, ndër të cilët edhe lideri historik i të djathtëve, Sali Berisha.

Porse gjithsesi, pa shumë bujë, presidenti Nishani e ka dekretuar tashmë këtë ligj me dekretin nr. 9113 më 22.05.2015.