Presidenti Meta flet me komisionerin për Ndihmat Humanitare dhe Emergjencat

Shqipëria u trondit ditën e sotme nga një tërmet i fuqishëm ku pati dhe humbje jetësh. Ndërkohë lidhur me këtë ngjarje të rëndë Presidenti i Republikës Ilir Meta ka zhvilluar një bisedë telefonike me Komisionerin për Ndihmat Humanitare dhe Emergjencat, Christos Stylianides.

Komisioneri Stylianides i shprehu Presidentit Meta ngushëllimet si dhe angazhimin e tij dhe të Komisionit Europian për të aktivizuar sa më shpejt ndihmat humanitare për Shqipërinë në baze të kërkesave specifike të autoriteteve shqiptare.