Presidenti Meta i akordon nënkomisarit Saimir Hoxha që u vra në krye të detyrës “Dekoratën e Artë të Shqiponjës”

Presidenti Ilir Meta i ka akorduar “Dekoratën e Artë të Shqiponjës” pas vdekjes, nënkomisarit Saimir Hoxha, i cili u vra dje në krye të detyrës.

Presidenti i Republikës Ilir Meta i akordoi sot Dëshmorit të Atdheut, Saimir Hoxha (pas vdekjes) “Dekoratën e Artë të Shqiponjës”, me motivacionin:

“Për kontributin e dhënë në shërbim të Policisë së Shtetit, si dhe në vlerësim të trimërisë së treguar gjatë kryerjes së detyrës, duke mos kursyer as jetën e tij në luftën kundër krimit të organizuar për të garantuar rendin dhe sigurinë publike”.