Presidenti Meta: Zbatova Kushtetutën

Ngritja e Gjykatës Kushtetuese ka krijuar një tjetër kaos. Presidenti Ilir Meta, i ftuar në ”Opinion”, thotë se veprimet e tij janë në zbatim të Kushtetutës, ndërsa akuzon kreun e KED-së si ka vepruar në mënyrë mafioze. “Kushtetuta e Republikës së Shqipërisë e ka të sqaruar. Ka kushtetutë, ka ligj dhe pastaj ka akte administrative. Parlamenti 30 ditëshin e ka me Kushtetutë, Presidenti e ka në Ligj, pasi të jenë kushtet kushtetuese. Anëtari i parë për tu zëvendësuar në Gjykatë emërohet nga presidenti. I dyti zgjidhet nga Kuvendit dhe i treti nga Gjykata e Lartë. Kam tre vjet që u them gjithë shqiptarëve edhe disa ndërkombëtarëve militantë se Shqipëria është pa Gjykatë Kushtetuese sepse po bëhet “Ramaforma””, tha Presidenti Meta.

Nga ana tjetër, Kreu i Shtetit thotë se KED është një instrument administrativ kolegjial, i cili ka për detyrë që këto kritere që përcakton ligji dhe këto afate dhe përcaktime që janë në kushtetutë dhe në ligj.

”Ti çojë listën presidentit, ti çojë listën Kuvendit, ti çojë listën Gjykatës së lartë. KED ka për detyrë të respektojë kushtetutën, pastaj ligjin dhe të mos shkelë kushtetutën. Nuk ka kompetencën KED që të shkelë unë kushtetutën. Ndaj them që kreu i KED-së ka bërë akte të pastra mafioze. Pse është një akt i pastër mafioz? Është një akt mafioz sepse listat që janë bërë, për të gjitha vakancat janë miratuar në njëjtën kohë. Kryetari, i cili ka te drejtë të përgatisin rendin e ditës dhe të përcjelli shkresa për të zbatuar porositë e partisë që presidentit dy vakancat që i takojnë presidentit ia ka çuar në një datë, ndësra kuvendit ia ka çuar 7 ditë më vonese. Që presidenti sipas mendjes së tij, ti mbaronte mandati për të dytin dhe Kuvendi të kishte 7 ditë kohë. Që presidenti ose të detyrohej që ose brenda 30 ditëshit të bënte emërime të dytit që i takonte presidentit dhe të ishte një shkelje e qartë e kushtetues. Nuk u shpreha sepse nuk shkela kushtetutën”.