Pritet miratimi i ligjit për emigrantët që shkojnë me gomone, Britania: Mos bëni gabim…

Sekretarja e Brendshme e Britanisë, Suella Braverman është e vendosur për të penguar azilin për personat që shkojnë me gomone. Ajo njoftoi se në ligjet që do të shpallen javën e ardhshme, autoritetet do të ndalojnë dhe largojnë këdo që kërkon të hyjë në Britani ilegalisht.

Kryeministri Richi Sunak ka deklaruar se ndalimi i gomoneve është një nga pesë prioritetet e tij, në këtë situatë të vështirë që ndodhet vendi.

Legjislacioni i ri me pikat përkatëse pritet të miratohet këtë të martë për azilkërkuesit që mbërrijnë me gomone. Ata përveçse do të pengohen të kërkojnë azil në Britani, do të largohen në Ruandë ose në një vend të tretë dhe do tu ndalohen të kthehen përgjithmonë.

“Mos bëni gabim, nëse vini këtu ilegalisht, nuk do të mund të qëndroni. Migrimi i paligjshëm nuk është i drejtë për taksapaguesit britanikë, nuk është i drejtë për ata që vijnë këtu ligjërisht dhe nuk është e drejtë që bandat kriminale të lejohen të vazhdojnë tregtinë e tyre imorale. Unë jam i vendosur të mbaj premtimin tim për të ndaluar anijet”, deklaroi Sunak.