Programi i PS në Kuvend, mbledhje urgjente e grupit të PD-së

Nesër (e enjte), Partia Socialiste si fituese e zgjedhjeve të 25 prillit, do të prezantojë në Kuvendin e Shqipërisë, programin qeverisës për 4 vitet e ardhshme dhe secili deputet do të ketë kohë 10 minuta për të folur.

PD-ja bëri me dije se janë njohur vetëm sot me programin, dhe në selinë blu këtë pasdite do të mbahet një mbledhje urgjente e grupit parlamentar.

Mbledhja e vendosur për t’u mbajtur në orën 19:00, do të ketë në fokus të saj analizimin e programit të qeverisë “Rama 3”, ndërsa cilësohet nga demokratët si një takim shumë i rëndësishëm.