Protesta antikomuniste e shkurtit të ‘91-shit, Ceka: Mesazh për politikën sot

Një ditë pas rrëzimit të bustit të diktatorit Enver Hoxha në ’91, ekzistonte rreziku i nëj përplasje të mundshme mes popullit shqiptar të revoltuar dhe komunistëve. Këtë shmangie, Neritan Ceka e përcjell si një mesazh dhe për politikën e sotme dhe qytetarët shqiptarë.

21 shkurti, një ditë pas rrëzimit të bustit të diktatorit Hoxha, ishte e rëndësishme për vijimin e aksionit të qytetarëtve për përmbysjen e sistemit komunist.

Neritan Ceka ishtë një nga përfaqësuesit e Partisë Demokratike të asaj kohe, i cili tregon se rreziku i asaj dite ishte një përplasje e mundshme mes popullit të Tiranës dhe komunistëve.

Ceka: Pati një grumbullim të madh të popullit të Tiranës te ura e Lanës ku ishte rreshtuar Garda dhe tanket duke menduar se kishte ndodhur një grusht shteti.

Ishte pikërisht Ceka ai që mori megafonin dhe ktheu turmën e revoltuar të qytetarëve duke shmangur kështu përplasjen.

Ceka: Kërkova një megafon, ju drejtova popullit për ta hequr nga ky konfrontim. E tërhoqa në sheshin kryesor, mijëra njerëz më ndoqën nga dëshira për të mos u konfrontuar, ka qenë një nga dëshmitë e politikës së re.

Bindjen e popullit të asaj kohe, Ceka e paraqet sot si një mesazh edhe për politikën e popullin shqiptar.

Ceka: Politika duhet të çojë drejt dialogut, drejt kontrollit të pushteteve. Populli duhet të dalë në bulevard, por duhet të dalë me synimin për të sjellë ndryshimin.

Lëvizja qytetare e vitit ’90-’91 është për Neritan Cekën është një shembull i cili duhet të ndiqet nga çdo popull i shtypur nga pushteti.