Mosbindja civile e PD-së do të vijë me një tjetër formë. Kryetarët e degëve të Partisë Demokratike lajmëruan se ditën e martë, 19 nëntor, ora 17.00 do të protestojnë përpara Kuvendit të Shqipërisë. ”Ditën e martë datë 19 nëntor ora 17:00, të gjithë në protestë para Parlamentit për të kundërshtuar miratimin e buxhetit antiqytetar. Ju lutem bëni njoftimet në degë për të siguruar pjesëmarrjen”, thuhet në njoftim. Ky orar (17:00) u zgjodh pasi atëherë parashikohet që të jenë orët e fundit të diskutimit dhe miratimit të buxhetit në parim.