PS ka harxhuar 82 milionë lekë më shumë se opozita në zgjedhje

Komisioni Qendror i Zgjedhjeve, ka publikuar këtë të martë raportet me pasqyrat financiare të shpenzimeve të partive politike për zgjedhjet e 25 prillit.

Sipas KQZ, PS-ja e cila fitoi mandatin e tretë për qeverisje, ka shpenzuar 172 milionë lekë, 82 milionë lekë më shumë sesa kanë shpenzuar bashkë Partia Demokratike dhe Lëvizja Socialiste për Integrim.

Partia Demokratike ka shpenzuar 47 milionë lekë në fushatë, sipas raportit të KQZ, ndërsa LSI ka shpenzuar 43 milionë lekë.