PS kërkesë Byrosë: Përjashtoni nga Kuvendi deputetin e PD-së. “Na ka fyer deputeten”

Byroja Kombëtare e Kuvendit pritet të mblidhet gjatë së premtes, për të diskutuar mbi një kërkesë për përjashtimin e deputetit demokrat, Florion Mima nga punimet e Kuvendit.

Kërkesa për përjashtim me 10 ditë për ligjvënësin e djathtë është bërë nga PS, ndërsa shkak janë bërë fyerjet ndaj deputetes socialiste Blerina Gjylameti.

Sipas këtij grupi, Mima ka fyer deputeten e PS-së, Blerina Gjylameti, gjatë komisionit të posaçëm hetimor për CEZ-in me gjuhën e patakt që ka përdorur ndaj saj. Grupi parlamentar socialist ka kërkuar të mblidhet Byrja e Kuvendit për të marrë vendim.