Qeveria: Këtu mund të denonconi korrupsionin

Qeveria ka vendosur të hapë një portal të ri në internet, të quajtur stopkorrupsionit.al, ku secili mund të bëjë denoncimet e tij për korrupsionin.

Sapo futesh në faqe, e cila duhet thënë se nga pikëpamja e dizajnit ka shumë stil, të del përpara një dritare burgu.

Aty brenda janë fushat ku mund të denonconi nëse u kanë kërkuar ryshfet.

Pasi klikoni në një nga hapësirat, përpara keni një formular, i cili plotësohet online.

Si denoncues, mund të mbeteni anonim ose jo.

Pasi të dërgoni denoncimin, nuk dihet se çfarë ndodh.

Qeveria e ka quajtur fushatën korrupsJOn.

Para disa kohësh, diçka e tillë u bë me denoncimet online për korrupsionin në drejtësi, por denoncuesit rrezikuan që të kthehen në të akuzuar nga drejtësia shqiptare.

Shpresojmë që këtë herë të mos ndodhë kështu.