Qeveria Rama, gati padia ndaj demokratëve për privatizimin e CEZ

Qeveria Rama do të padisë penalisht paraardhësit e saj demokratë, për shitjen e kompanisë së Shpërndarjes së Energjise Elektrike tek çekët e CEZ.

Lajmin e ka bërë publik vetë Kryeministri Rama, i cili teksa akuzon qeverinë Berisha se e ktheu në një pazar të madh privatizimin e kësaj kompanie, tha se ka orkestruar një sulm ndaj maxhorancës, për marrëveshjen e arritur me CEZ për të mbuluar të gjithë aferën korruptive që përmban shitja në Mars të 2009 e kompanisë shtetërore të Shpërndarjes së Energjisë.

Edhe sulmet e opozitës nga Ministrit të Energjitikës, i cili është kallëzuar nga KLSH për marrëveshjen me CEZ, që sipas Ramës, ishte një nga kushtet kryesore të FMN dhe Bankës Botërore, Kryeministri tha se janë pjesë e skenarit për të mbulur zullumet e qeverisjes së tyre 8 – vjeçare.

Kreu i qeverisë i ktheu përgjigje opozitës dhe për akuzat për tenderin e ndërtimit të godinës së re të OSHEE, duke i fajësuar për shpërdorim të parave publike, gjatë kohës kur drejtonin sistemin e shpërndarjes së energjisë.

Në aktivitetin e organizuar për të festuar 1 vjetorin e nisjes së operacionit kundër vjedhjes së energjisë elektrike, Kryeministri tha se qeveria është pranë përmbushjes së një nga premtimeve kyçe të fushatës zgjedhore që e solli në pushtet në 2013, atë për uljen e TVSH se energjisë elektrike, por pa dhënë afate konkrete se kur ky premtim elektoral do të marrë jetë.