Qytetarët shprehen të vendosur: Do qëndrojmë këtu deri sa Rama të mos na pijë gjakun

Protesta kundër çmimit të frikshëm që ka kapur nafta në vend, nisi në orën 17:00 dhe ende po vijon, këtë herë nëpër rrugë duke bllokuar lëvizjen e mjeteve. “Fike, fike”, janë thirrjet e qytetarëve të cilët kërkonin nga shoferët e automjeteve t’u bashkoheshin protestës.

Nga ana tjetër, qytetarët janë shprehur një zëri se kjo protestë do të vazhdojë deri sa të marrin një përgjigje nga ana e qeverisë dhe çmimet ti rikthehen normalitetit.

”Po na pinë gjakun e fëmijëve, turp të kenë. Nuk jemi me politikë duam bukën e gojës. Të zhduket Edi Rama se na ka lodhur. Do qëndrojmë këtu deri sa Rama të mos na pijë gjakun e fëmijëve. Po na shkon thika te fëmijët sepse vetë kemi mbaruar. Gënjejnë çdo ditë në Parlament”.