Rama bisedë me Presidentin e Këshillit Europian

Kryeministri Edi Rama ka zhvilluar sot një takim online me Presidentin e Këshillit Europian, Charles Michel. Takimi ka pasur në qendër përmbushjen e reformave nga Shqipëria dhe përgatitjen për konferencën e parë ndërqeveritare.

“Një bashkëbisedim si gjithnjë miqësor, i hapur, interesant me Presidentin e Këshillit Europian dhe mikun e çmuar, Charles Michel, një mbështetës i pakursyer i integrimit europian të Shqipërisë e të Ballkanit Perëndimor. Folëm për Konferencën e Parë Ndërqeveritare Shqipëri – BE, si hap domethënës në rrugën drejt anëtarësimit pas çeljes së negociatave; Planin Europian të Investimeve në rajonin tonë; ecurinë e Shengenit Rajonal dhe tematikën e konflikteve në zonën e OSBE”,- shkruan Edi Rama në një postim në Facebook.