Rama: Çelen 29 qendra shëndetësore me shërbim 24/7 në zonat turistike

Janë çelur 29 qendra shëndetësore me shërbim 24/7 në zonat turistike. Kryeministri Edi Rama përmes një postimi në facebook, thotë se në terren do të jetë një personel me 160 mjekë dhe infermierë të trajnuar për emergjencat, teksa ka bërë me doje se barnat dhe materiale mjekësore janë të garantuara.

“Kudo ku keni zgjedhur të pushoni këtë të diel, në mal apo buzë detit, kemi siguruar kujdes shëndetësor 24 orë për pushuesit dhe turistët nga veriu në jug, me rrjetin e qendrave shëndetësore verore, për një sezon turistik të sigurt.

29 qendra shëndetësore me shërbim 24/7 në zonat turistike. 160 mjekë dhe infermierë të trajnuar për emergjencat.

Barna dhe materiale mjekësore të garantuara. Telefononi UrgjencënKombëtare127 për çdo emergjencë shëndetësore”, shkruan Rama.