Rama i çon Metës propozimin për dekretimin e Evis Kushit

Katër ditë pas shkarkimit të ministres së Arsimit, Besa Shahini, Edi Rama ka dërguar emrin e ministres së re, Evis Kushi për dekretim te Presidenti i Republikës, Ilir Meta.
Burime nga kryeministri bëjnë me dije se Edi Rama i ka dërguar sot kreut të shtetit propozimin për ministren e re.
Evis Kushi u emërua nga Rama si ministrja e re e Arsimit, pas qëndrimit të Shahinit për 20 muaj në këtë detyrë.

Lidhur me këtë proces, presidenti ka shtatë ditë kohë për të dekretuar Kushin si ministre Arsimi.