Rama ironizon opozitën nga Gjirokastra: 7 herë 7 u bë 6 milionë!

Kreu i PS-së, Edi Rama, ka ironizuar nga Gjirokastra, kryedemokratin Sali Berisha, kur tha se shpenzoi 6 milionë dollarë për lobim në SHBA.

Rama tha se sot aritmetika po bëhet e interpretueshme, dhe 7 herë 7 është 6 milionë.

“7 herë 7 42 habiteshim por nuk kishim parë gjë akoma se u bë 6 milionë tani me kontratat e patriotëve. 3 patriotë nga e njëjta familje në Tropojë u lindi në zemër të shpenzojnë 6 milionë dhe të mbrojnë Shqipërinë nga unë dhe ju dhe të lobojnë në Amerikë se sa e bukur është këneta.

Është e habitshme sesi pastaj, shihja në raportet që më vijnë, se në kënetë thuhet se çfarë është 6 milionë. Kjo nuk është asgjë me çfarë ka bërë Edi Rama në qeveri, narkoregjimi. Domethënë ky është fundi”, tha Rama.