Rama mbledh ministrat e kryebashkiakët e majtë në Shkodër, zbardhet agjenda

Kryeministri Edi Rama do të mbledhë kabinetin qeveritar dhe kryebashkiakët e majtë sot në Shkodër, ku do të bëhet një analizë e thelluar për punën e bërë.

Mbledhja do të mbahet pranë stadiumit “Loro Boriçi”, ndërsa kanë mbërritur edhe një pjesë kryebashkiakëve të majtë, is Erion Veliaj, Gledion Llatja, Sotiraq Filo, si dhe një pjesë e kabinetit qeveritar, si ministri i Brendshëm Taulant Balla, ministrja Mirela Kumbaro.

Ndërkohë, në orën 12:00 është parashikuar një tryezë e hapur me anëtarë të kabinetet qeveritar, kryebashkiakë dhe drejtues të agjencive, mbi disa tema, si shëndetësia, bujqësia, arsimi, mjedisi, siguria, infrastruktura etj.

Në fund do jepen edhe disa propozime për problematikat e paraqitura në këtë mbledhje, ndërsa takimi do mbyllet rreth orës 17:30 me fjalën e kryeministrit Rama.