Rama me Erdoganin në Laç, Meta zhvillon homazhe te memoriali i Skëndërbeut në Lezhë (VIDEO)
Politikë E Hënë, 17 Janar 2022 13:24
Presidenti Ilir Meta zhvilloi sot homazhe dhe vendosi një kurorë me lule në memorialin e Heroit Kombëtar, Gjergj Kastrioti Skënderbeu në Lezhë, teksa sot përkujtohet 554-vjetori i vdekjes së tij.
Nga vendi ku prehen eshtrat e Skënderbeut në Lezhë, Meta lartësoi figurën e Gjergj Kastriotit, si simbol i identitetit kombëtar.
Ndërsa vetëm pak kilometra më tej, Kryeministri Edi Rama ndodhet me Presidentin turk Rexhep Erdogan për të përuruar banesat e reja për qytetarët e Laçit.
