Rama: Ne duam që njerëzit të argëtohen me Berishën, jo të marrin seriozisht marrëzitë e tij

Kryeministri Edi Rama ka zhvilluar gjatë pasdites së të premtes, një takim me fermerë të Qarkut të Fierit.

Gjatë këtij takimi ai ka folur edhe për aktualitetin politik.

Rama foli për importin e mbetjeve, kultivimin e hashashit, ngjarjen tragjike të vdekjes, akuzat e opozitës dhe kritikat ndaj medias.

Ai nuk ka lënë pa thumbuar Sali Berishën, që sipas Ramës, është bërë gazi i botës.

“Ne duam që njerëzit ta shohin dhe të argëtohen dhe jo të marrin seriozisht marrëzitë e tij.

Aq më tepër që ju ndryshe nga unë dhe Gramozi (Ruçi) nuk e keni të detyruar që ta keni afër, ju e keni me një sustë.

Ju lodhi prraf sustën shkoni te ‘Bang Bang’ dhe shikoni kartona se aty janë shokët e Saliut.

 Ça të them unë, se mos është vetëm Saliu”, u shpreh Rama.